इंग्लिस प्रिमियर लिगः म्यान्चेस्टर सिटीले गर्यो आफ्नै कीर्तिमानको बराबरी
प्रकाशित २०७७ फागुन १० सोमबार
1.6k
Shares
काठमाडौं । इङ्गलिश प्रिमियर लिग फुटबलमा शीर्ष स्थानको म्यानचेस्टर सिटीको विजयी यात्रा कायमै रहेको छ । आइतबार राति भएको खेलमा सिटीले आर्सनलमाथि उसकै मैदानमा जित निकालेको हो ।
इमिरेट्स स्टेडियममा सिटीलाई १–० गोल अन्तरले जित दिलाउन रहिम स्ट्रर्लिङले दोस्रो मिनेटमै निर्णायक गोल गरे ।
यो जितसँगै सिटीले सबै खाले प्रतियोगिता गरी लगातार ११ अवे खेलमा जित निकालेको छ । सिटीले सन् २०१७ मा आफैंले बनाएको लगातार ११ अवे जितको कीर्तिमानमा बराबरी समेत गरेको छ ।
अंक तालिका
२५ खेलबाट ५९ अंकसहित म्यान्चेस्टर सिटी शीर्ष स्थानमा रहेको छ । दोस्रो स्थानको म्यान्चेस्टर युनाइटेडको ४९ अंक छ । तेस्रो स्थानको लेस्टर सिटीको ४९ अंक छ । चौथो स्थानको वेष्टह्याम युनाइटेडको ४५ अंक छ ।
पाँचौं स्थानको चेल्सीको ४३ अंक छ । छैटौं स्थानको डिफेन्डिङ च्याम्पियन लिभरपुलको ४० अंक छ । एक खेल कम खेलेको एभर्टनको पनि ४० अंक नै छ । ३४ अंकसहित आर्सनल दशौं स्थानमा छ ।
