जिससको दुई गोलमा म्यानचेस्टर सिटीको जित, राख्यो यस्तो रेकर्ड

प्रकाशित २०७७ फागुन १९ बुधबार

काठमाडौं । इङ्गलिश प्रिमियर लिग फुटबलमा शीर्ष स्थानको म्यानचेस्टर सिटीले उपाधि यात्रा बलियो बनाएको छ । मंगलबार राति भएको खेलमा सहज जित निकालेसँगै सिटीले दोस्रो स्थानको म्यानचेस्टर युनाइटेडको भन्दा १५ अंकको अग्रता लिएको छ ।

मंगलबार राति घरेलु मैदानमा सिटीले उल्भरह्याम्टन वान्डेरर्सलाई ४–१ गोल अन्तरले पराजित गर्यो । सिटीलाई जित दिलाउन गाब्रियल जिससले दुई गोल गरे । सिटीका रियाद महरेजले एक गोल गर्दा एक गोल आत्मघाती उपहार पाएको थियो । उल्भ्सका कोर्नर कोएडीले एक गोल फर्काउँदा लिन्डर डेनडोनकरले आत्मघाती गोल गरेका थिए ।

यो जितसँगै सिटीले सबै खाले प्रतियोगितामा गरी लगातार २१ औं जित निकाल्न सफल भएको छ । यो सिटीको रेकर्ड हो । सिटीले अपराजित रहँदै लगातार जित संख्यालाई २१ बनाएको हो । त्यसैगरी सिटभीले क्लब रेकर्डमा पनि २८ खेलसम्म अपराजित हुने रेकर्डको बराबरी गरेको छ ।