arrow

लिभरपुलको मैदानमा चेल्सीको शान

logo
प्रकाशित २०७७ फागुन २१ शुक्रबार
liverpool-chelsea2.jpg

काठमाडौं । इङ्गलिश प्रिमियर लिग फुटबलमा चेल्सीले महत्वपूर्ण तीन अंक बटुलेको छ । यो सिजन खासै फर्ममा नदेखिएको चेल्सीले महत्वपूर्ण जित निकाल्ने क्रममा बिहीबार राति डिफेन्डिङ च्याम्पियन लिभरपुललाई उसकै मैदानमा पराजित गरेको छ ।

चेल्सीले लिभरपुललाई एनफिल्डको मैदानमा १–० गोल अन्तरले पराजित गरेको हो । चेल्सीलाई जित दिलाउन मासन माउन्टले निर्णायक गोल गरे ।

खेलको ४२ औं मिनेटमा माउन्टले निर्णायक गोल गरेका हुन् । उनले काँटेको पासलाई सदुपयोग गरेका थिए ।

यसअघि टिमो वेर्नरले २४ औं मिनेटमा गरेको गोल अफसाइड भएको थियो । यो जितले चेल्सीले ठूलो राहत पाउँदा लिभरपुललाई भने शीर्ष चारमा रहन पनि समस्या हुन थालेको छ । 

अन्य खेलको नतिजा 
फुल्हम ०–१ टोटनह्याम हट्सपर (टोसिन–आत्मघाती)
वेष्टब्रोम ०–१ एभर्टन (रिचर्लिसन)

अंक तालिका 
२७ खेलबाट ६५ अंकसहित म्यानचेस्टर सिटी शीर्ष, ५१ अंकसहित म्यानचेस्टर युनाइटेड दोस्रो, ५० अंकसहित लेस्टर सिटी तेस्रो र ४७ अंकसहित चेल्सी चौथो स्थानमा रहेको छ । 

४६ अंकबाट एभर्टन पाँचौं, ४५ अंकबाट वेष्टह्याम छैटौं तथा ४३ अंकबाट लिभरपुल सातौं स्थानमा छ । 



लोकप्रिय समाचार
लोकप्रिय समाचार
नयाँ