-
-
-
-
दमक । झापाको दमकमा बिहीबार साँझ लुटपाट भएको छ । दमक ६ स्थित पुरानो शब्जि बजार नजिकै कामना सेवा बैंक अगाडिको स्थानबाट एक महिलाले बैंकबाट झिकेर ल्याएको एकलाख नगद, पर्स र मोबाइल लुटपाट भएको हो ।
दमक बजारमा मानिसहरु ओहोर दोहोर गरिरहेको अवस्थामा मोटरसाइकलमा आएका ब्यक्तिले लुटपाट गरेर भागेको बताएका हुन् ।
मोटरसाइकलमा आएका ब्यक्तिले नगद सहितको पर्स र मोबाइल लुटेपछि ती महिला हारगुहार गर्दै कराउँदै लुटेरालाई पछ्याएको नजिकै रहेको एक पसलमा रहेको सीसीटीभी क्यामेरा फुटेजमा देखिएको छ ।
यसरी ब्यस्त बजारमै चोरी र लुटपाट हुनुलाई स्थानियहरुले यहाँको सुरक्षा अवस्था फितलो भएको बताएका छन् ।
लुटपाट ब्यस्त समयमा भएको र त्यसबारे खोजी कार्य तिब्र राखिएको ईलाका प्रहरी कार्यालय दमकका डीएसपी नवराज कार्कीले बताए ।
उनले शुक्रबार बिहान पीडितले उजुरी दिन आउने जानकारी गराएकाले उजुरी पश्चात तीब्र रुपमा लुटेराको खोजी कार्य जारी राखिने बताए ।
