-
-
-
-
कपिलवस्तु । जिल्लाको मायादेवी गाउँपालिका वडा नं ६ को सेरहवा गाउँमा आगलागी हुंदा ८ घरगोठ जलेर नष्ट भएका छन् ।
स्थानीय जगनारायण कुर्मीको घरको अगेनामा रहेको खरानी हावाहुरीको कारण आगो फैलिएर गाउंमा आगलागी भएको थियो ।
आगलागीबाट विश्वमर कुर्मी, राम व्यारे कुर्मी, राम सवारे कुर्मी, केदानथाथ कुर्मी, रामशिव कुर्मी, टुमनारायण कुर्मीको घर र गोठ जलेर नष्ट भएको छ ।
५ बजे लागेको आगो कपिलवस्तु नगरपालिकाको दमकल र स्थानीय र प्रहरीको प्रयासमा डेढ घण्टा पछि नियन्त्रणमा आएको वडा अध्यक्ष संदिप चौधरीले जानकारी दिएका छन् ।
जिल्लाका अन्य ठाउँमा पनि आगलागी भएको तर घटनाको विस्तृत जानकारी आउन बाकीं रहेको प्रहरीले जनाएको छ ।
