काठमाडौं । स्पेनिश क्लब बार्सिलोना यसपटकको स्पेनिश ला लिगा फुटबलको उपाधि जित्न असफल भएको छ । खराब प्रदर्शन जारी राखेपछि बार्सिलोना उपाधि होडबाट बाहिरिएको हो ।

आइतबार राति घरेलु मैदानमै सेल्टा भिगोसंग पराजित भएसँगै बार्सिलोनाको उपाधि होडबाट सकिएको हो । सेल्टा २–१ गोल अन्तरले विजयी भयो । 

प्रारम्भिक अग्रता लिएर पनि बार्सिलोनाले जित्न सकेन । २८ औं मिनेटमा कप्तान लियोनल मेस्सीको हेड गोलबाट बार्सिलोनाले अग्रता लिएको थियो । 

तर ३८ औं मिनेटमै सान्टी मिनाले गोल गर्दै खेल बराबरीमा ल्याएका थिए । खेल सकिन एक मिनेट बाँकी छदाँ उनै मिनाले व्यक्तिगत दोस्रो गोल गर्दै सेल्टालाई जित दिलाए ।

८३ औं मिनेटमा क्लेमेन्टले दोहोरो पहेंलो कार्ड खाएपछि बार्सिलोना थप मारमा पर्यो । त्यसकै असरले ८९ औं मिनेटमा गोल खायो । 

यो हारसँगै एक खेल खेल्नुअघि नै बार्सिलोनाको उपाधि होड सकिएको हो । 

आइतबारका अन्य खेलको नतिजा
एथलेटिक बिलबाओ ०–१ रियाल मड्रिड
एथलेटिको मड्रिड २–१ ओसासुना
काडिज १–३
डेपोर्टिभो अलाभेस ४–२ ग्रानाडा
गेटाफे २–१ लेभान्ते
रियाल बेटिस–० हुएस्का
रियाल सोसिडाड ४–१ रियाल भल्लाडोलिड
भ्यालेन्सिया ४–१ आइबार
भिल्लारियल ४–० सेभिया

अंक तालिका
अन्तिम चरणको खेल खेल्न बाँकी रहँदा एथलेटिको उपाधि नजिक छ । उसले अन्तिम खेलमा रेलिगेशन क्षेत्रको रियाल भल्लाडोलिडसँग खेल्दैछ । उसको ८३ अंक छ । 

दोस्रो स्थानको रियाल मड्रिडले भिल्लारियलसँग खेल्दैछ । उसको ८१ अंक छ । कमजोर टिमसँग अन्तिम खेल खेल्दै गर्दा एथलेटिको मड्रिडले उपाधि जित्ने पक्का जस्तै छ । 

डिफेन्डिङ च्याम्पियन रियाल मड्रिडले खेल हार्दा पनि दोस्रो स्थान सुरक्षित राखिसकेको छ । 

तेस्रो स्थानको बार्सिलोनाको ७६ अंक मात्र छ । अन्तिम खेलमा आइबारसँग उसकै मैदानमा खेल्देछ । यो खेल जित्ने पनि निश्चित छैन । 

आइबार लिगको पुछारमा छ । रेलिगेशनमा पर्ने अहिलेसम्म एकमात्र टिम पनि हो । तर यो खेल हार्दा बार्सिलोनाको तेस्रो स्थान पक्का हुने सम्भावना कम छ । 

चौथो स्थानको सेभियाको ७४ अंक छ । सेभियाले अन्तिम खेलमा डेपोर्टिभो अलाभेससँग खेल्न बाँकी छ ।