झापा । झापाको शिवसताक्षी नगरपालिकामा आइतबार राति दुई वटा घर जलेर नष्ट भएका छन् । वडा नं २ मंगलबारे बजारका दुई घरमा आगलागी भएको हो । आगलागीबाट एउटा घर पूर्ण रुपमा जलेर नष्ट भएको छ । साथै अर्को घरमा आंशिक क्षति भएको छ ।
आगलागीबाट कुनै मानवीय क्षति नभएको प्रहरीले जनाएको छ। स्थानीयबासी नन्दकला राईको घर र नेत्र चिमरियाको घरमध्ये एक घर पूर्ण रुपमा क्षति भएको छ साथै अर्को घर आंशिक रुपमा क्षति भएको वडा नं २ का वडाध्यक्ष कुलबहादुर बस्नेतले जानकारी दिएका छ्न् ।
राईको घरमा टेलरिङ्ग ब्यबसाय र चिमरियाको घरमा होटल ब्यबसाय संचालित थिए । मध्यरात पछि करिब १ः३० बजेबाट शुरु भएको आगो बिहान करिब ३ बजे नियन्त्रणमा आएको शिवसताक्षी नगरपालिकाकी उपप्रमुख भोजकुमारी नेपालले जानकारी दिएकी छ्न् ि।
इलाका प्रहरी कार्यालय झिलझिलेबाट खटिएका प्रहरी, स्थानीयवासी, कमल गाउँपालिका, दमक नगरपालिका र गौरादह नगरपालिकाको दमकलको सहायताले आगो नियन्त्रणमा आएको थियो ।
आगो विद्युत सर्ट भइ निस्किएको हुन सक्ने आशंका गरिएको छ।
