स्वेच्छाचारी मुख्यमन्त्री पोखरेलको राजीनामा माग्यो विपक्षी गठबन्धनले

स्वेच्छाचारी मुख्यमन्त्री पोखरेलको राजीनामा माग्यो विपक्षी गठबन्धनले

नारायण वली,

प्रकाशित २०७८ साउन २ शनिबार

रुपन्देही । विपक्षी दलहरुको गठनबन्धनले लुम्बिनी प्रदेशका मुख्यमन्त्री शंकर पोखरेलको राजीनामा मागेको छ । संसद अधिवेशन अन्त्य गरेर अध्यादेशमार्फत बजेट ल्याएपछि विपक्षी गठबन्धनका नेपाली कांग्रेस, नेकपा माओवादी केन्द्र, जनता समाजवादी पार्टी र राष्ट्रिय जनमोर्चाले संयुक्त रुपमा पोखरेलको राजीनामा माग गरेका हुन् ।

बजेट पास गर्न नसक्ने अवस्था आएपछि बिहीबार प्रदेशसभा बैठक चल्दै गर्दा मुख्यमन्त्री पोखरेल बिचैमा उठेर बाहिरिएका थिए । सोही दिन मध्यराति प्रदेशसभा अधिवेशन अन्त्य गरियो । शुक्रबार बिहान अध्यादेश मार्फत बजेट ल्याइएको छ ।

यो अलोकतान्त्रिक र असंवैधानिक स्वेच्छाचारी कदम भएको भन्दै गठबन्धन चार दलले संयुक्त विज्ञप्ति जारी गर्दै भनेका छन्, ‘यस परिघटनाले मुख्यमन्त्री शंकर पोखरेल नेतृत्वको सरकार अल्पमतमा परिसकेको प्रमाणित गरेको दाबी गरेका छन् ।