प्रदेश १ मा बढ्दै संक्रमित, शुक्रवार मात्रै १० जनाको मृत्यु

हाम्रा कुरा

प्रकाशित २०७८ साउन १६ शनिबार

विराटनगर । प्रदेश नं १ मा कोरोना सङ्क्रमितको सङ्ख्या बढ्दै गएको छ । शुक्रवार मात्र प्।देशमा एक हजार १४४ सङ्क्रमित देखिएका छन् । भने प्रदेशमा पछिल्लो २४ घण्टामा १० जनाको मृत्यु भएको छ । मृत्यु हुनेमा सात महिला र तीन पुरुष रहेको सामाजिक विकास मन्त्रालयले जनाएको छ ।

शुक्रवार थपिएका सङ्क्रमितहरूमा एक हजार ९६७ जनाको पीसीआर परीक्षण गर्दा ५८० र एक हजार ६६६ जनाको एन्टिजेन परीक्षणबाट ५६४ जनामा कोरोना सङ्क्रमण देखिएको मन्त्रालयले जनाएको छ ।

मन्त्रालयका अनुसार पीसीआर परीक्षणका आधारमा मोरङमा १९१ मध्ये विराटनगरमा ५५, सुनसरीमा १८७, झापामा १५७, इलाम र धनकुटामा १६/१६, उदयपुरमा चार, खोटाङ र सङ्खुवासभामा दुई/दुई, ताप्लेजुङ र तेह्रथुममा एक/एक र प्रदेश बाहिरका तीन जनामा सङ्क्रमण देखिएको छ ।