-
-
-
-
कावासोती । मोटरसाइकलको ठक्करबाट गम्भीर घाइते प्रहरी निरीक्षक (इन्स्पेक्टर) कपिल वाग्लेको निधन भएको छ ।
इलाका प्रहरी कार्यालय बर्दघाटमा कार्यरत इन्स्पेक्टर वाग्लेलाई सोमबार साँझ करिब ८ बजेको समयमा इलाका प्रहरी कार्यालय बर्दघाट भन्दा करिब २ सय मिटर पूर्व तर्फ राजमार्गमा पैदल हिँडी रहेको बेला लु १४ प ८७५८ नं को मोटरसाइकलले ठक्कर दिएको थियो ।
मोटरसाइकलको ठक्करबाट गम्भीर घाइते वाग्लेको उपचारको क्रममा भैरहवाको युनिभर्सल मेडिकल कलेजमा निधन भएको पश्चिम नवलपरासी प्रहरीले जनाएको छ ।
वाग्लेलाई ठक्कर दिने मोटरसाइकल चालक सुनवल- १ का दीपेन्द्र पुन मगर प्रहरी नियन्त्रणमा रहेको प्रहरीले जनाएको छ ।
