लण्डन । बेलायती प्रधानमन्त्री पदबाट राजीनामा गरे पनि डेभिड क्यामरुन सधै सम्मानित व्यक्तिमा पर्दछन् । बेलायत युरोपियन युनियनबाट बाहिरिने या रहिरहने भन्ने जनमत संग्रहमा बाहिरिनेमा बहुमत आएसंगै नैतिकताको आधारमा राजीनामा गरेका क्यामरुनले आफ्नो उचाइ बढाए ।
कन्जरभेटिभ पार्टीबाट बहुमतसहित सरकारमा गएका उनले राजीनामा गर्ने जरुरी नै थिएन । तर उनी इमानदार देखिए । सधै सम्मानित हुन चाहे । त्यसो त जसले अरुलाई सम्मान गर्छ आफूले पनि सम्मान पाउँछ ।
ठ्याक्कै त्यसैगरी क्यामरुनले आफ्नी श्रीमतीको खुवै प्रशंसा गरेका छन् । उनले श्रीमतीलाई जीवनको माया भनेका छन् । उनले श्रीमती सामन्थालाई राम्री श्रीमती, अद्भूत आमा र सफल ब्यापारी भनी चिनाएका छन् ।
प्रधानमन्त्रीबाट राजीनामा दिएकै दिन उनले श्रीमतीको यतिधेरै प्रशंसा गरेका हुन् । राजीनामा दिनका लागि अन्तिम भाषण बोल्दैगर्दा उनले श्रीमतीको प्रशंसा गर्न भ्याए । उनीहरुले खुलेआमा माया साटासाटसमेत गरेका थिए ।
२० वर्षे वैवाहिक जीवनका क्रममा क्यामरुन र सामन्थाका दुई छोरी र एक छोरा जन्मिएका छन् ।
आखिर प्रेमले संसार जित्न सकिन्छ भन्छन् ।
त्यसै गरेका होलान् क्यामरुनले ।
महिलालाई दिएको सम्मानले उनलाई सम्मान गर्ने पनि बढे कि !
