बाँके प्रहरीद्वारा भारतबाट आएको ३ लाख बढीको अवैध सामाग्री बरामद

सौरभ गिरी,

प्रकाशित २०७८ भदौ १६ बुधबार

नेपालगन्ज । जिल्ला प्रहरी बाँकेले भारतबाट ल्याउँदै गरेको ठुलो परिमाणमा अवैध सामाग्री बरामद गरेको छ।

जिल्ला प्रहरी बाँकेबाट प्रसनि विवेक अधिकारीसहित खटिएको टोलीले गए राती ९ बजे नेपालगन्ज १५ स्थित हड्डी चोक हुँदै बाबु गाउँतर्फ ल्याउँदै गरिएका ३ लाख रुपैयाँ बराबरका अवैध सामाग्री बरामद गरेको जिल्ला प्रहरी बाँकेले जानकारी दिएको छ।

तस्करहरूले भारत र नेपालको सीमावर्ती बजार रुपइडिहाबाट तस्करी गरेर खेतै खेत भएर नेपालगन्ज ल्याउँदै गरेको लेडिज कुर्ता, जेन्स कपडा, मोटरसाइकलका पाट पुर्जा, इलेकट्रिकल सामाग्री , चिनी,हार्डवेयरका सामाग्री लगायतका ३ लाख रुपैयाँ बढीका अन्य थुप्रै अवैध सामाग्री बरामद गरेको जिल्ला प्रहरी बाँकेले जानकारी दिएको छ।