-
-
-
-
विराटनगर । पछिल्लो २४ घण्टामा प्रदेश नं १ मा ३२४ जनामा कोरोना भाइरस संक्रमण पुष्टि भएको छ । यस अवधिमा ९५८ को पीसीआर परीक्षण गर्दा २११ र ६०४ को एन्टिजेन परीक्षण गर्दा ११३ जनामा संक्रमण पुष्टि भएको सामाजिक विकास मन्त्रालयले जनाएको छ ।
मन्त्रालयका अनुसार आज पनि सबैभन्दा बढी झापा ७३ मा र पालिकामध्ये सबैभन्दा बढी विराटनगरमा ४२ जनामा कोरोना संक्रमण पुष्टि भएको छ । सो अवधिमा सुनसरीमा ६६, मोरङमा ५८, इलाममा आठ, धनकुटामा दुई, ओखलढुङ्गा र उदयपुरमा एक÷एक र प्रदेश बाहिरका दुई जनामा संक्रमण देखिएको छ ।
प्रदेशमा आजै २५६ जना कोरोना संक्रमणमुक्त भएका छन् । संक्रमणमुक्त हुनेमा १२९ महिला र १२७ पुरुष छन् । पछिल्लो २४ घण्टामा कोरोना संक्रमणबाट दुई पुरुषको मृत्यु भएको मन्त्रालयले जनाएको छ ।
