विराटनगर । पछिल्लो २४ घण्टामा प्रदेश नं १ मा तराईका तीन जिल्लामा कोरोना संक्रमितको सङ्ख्या बढी रहेको छ ।
मोरङमा सबैभन्दा बढी ५०, सुनसरीमा ४३ र झापामा ४५ जनामा संक्रमण भएको छ भने पहाडी तथा मध्यपहाडी जिल्ला धनकुटामा तीन, पाँचथरमा दुई, इलाम र उदयपुरमा एकएक जनामा संक्रमण देखिएको सामाजिक विकास मन्त्रालयले जनाएको छ ।
सोही अवधिमा ८११ जनाको पीसीआर परीक्षण गर्दा १४५ र २२० जनाको ऐन्टिजेन परीक्षण गर्दा ५२ जना गरी कूल १९७ जनाको रिपोर्ट पोजेटिभ आएको मन्त्रालयको भनाइ छ ।
स्थानीय तहअनुसार मोरङको विराटनगरमा ३३, सुन्दरहरैचामा आठ, बूढीगङ्गा र रतुवामाइमा दुई/दुई, पथरी शनिश्चरेमा एक, कानेपोखरी, कटहरी, केराबारी र लेटाङमा एक/एक संक्रमण पुष्टि भएको छ ।
त्यसैगरी झापाको भद्रपुरमा ११, कनकाइ र विर्तामोडमा सात/सात, दमक, मेचीनगर र अर्जुनधारामा चार/चार, कमल गाउँपालिकामा तीन, शिवसताक्षीमा दुई, गौरादह, हल्दिबारी र झापा गाउँपालिकामा एक/एक संक्रमित भएका छन् ।
सुनसरीको इटहरीमा २६, धरानमा नौ, इनरुवामा चार, रामधुनीमा दुई, दुहवी र हरिनगरमा एक/एक, धनकुटाको धनकुटामा दुई र पाख्रिबासमा एक, पाँचथरको हिलिहाङमा दुई, इलामको इलाम नगरपालिका र उदयपुरको बेलकामा एक/एक जनामा संक्रमण देखिएको बताइएको छ ।
प्रदेशमा आजै ७७ पुरुषसहित १५३ जना कोरोना संक्रमणमुक्त भएका छन् भने एक महिलासहित तीन जनाको मृत्यु भएको मन्त्रालयले जनाएको छ ।
