-
-
-
-
काठमाडौं । फुटबलको दुनियाँका चर्चित खेलाडी लियोनल मेस्सीको कोभिड–१९ परीक्षण रिर्पोट नेगेटिभ आएको छ । योसँगै उनी पेरिस सेन्ट जर्मेन (पीएसजी) को प्रशिक्षणमा फर्किने भएका छन् ।
फ्रेन्च लिग वानको शीर्ष स्थानमा रहेको पीएसजीले मेस्सीको कोभिड टेष्ट पोजेटिभ आएसँगै अर्जेन्टिना फर्केको जनाएको थियो । क्लबले कोरोना टेष्ट नेगेटिभ आएसँगै आगामी साता हुने लियोनसँगको खेलमा मेस्सी उपलब्ध हुनसक्ने जनाएको छ ।
संक्रमणकै कारण मेस्सीले सोमबार कप डे फ्रान्सअन्तर्गत भेनासविरुद्धको खेल गुमाएका थिए । किलियन एमबाप्पेले ह्याट्रिक गरेपछि पिएसजीले भेनासमाथि ४–० को सहज जित निकालेको थियो ।
गत अगस्तमा स्पेनिश क्लब बार्सिलोनाबाट फ्रेन्च क्लब भित्रिएका मेस्सी लिग वानमा लय भेट्टाउन संघर्षरत छन् । पीएसजीबाट १६ खेल खेलेका ३४ वर्षीय मेस्सीले ६ गोल र चार असिस्ट गरेका छन् ।
