विद्यालय बन्द गर्न सीसीएमसीसीले गर्‍यो सिफारिस

हाम्रा कुरा

प्रकाशित २०७८ पुष २५ आइतबार

काठमाडौं । माघ १५ गतेसम्मका लागि विद्यालय बन्द गर्न कोभिड-१९ सङ्कट व्यवस्थापन समन्वय केन्द्र (सीसीएमसीसी)को बैठकले सिफारिस गरेको छ । आइतबार बसेको सीसीएमसीसी को बैठकले विद्यालय बन्द गर्न सिफारिस गरेको हो ।

खास गरी १८ वर्ष मुनिका बालबालिकाहरू धेरैले खोप नलगाएका कारण उनीहरूलाई लक्षित गर्दै संक्रमणको 'चेन ब्रेक' गर्नका लागि यस्तो सिफारिस गरिएको सीसीएमसीसीकी प्रवक्ता सुनिता नेपालले बताइन् ।

कोरोना भाइरसको नयाँ भेरियन्ट ओमिक्रोनका कारण विश्वभर संक्रमण बढ्दै गएसँगै विभिन्न देशहरूले कडाइ सुरु गरेका छन् । नेपालमा समेत तीव्र रूपमा संक्रमण बढिसकेको छ ।