प्रदेशसभा सदस्य चढेको स्कारपिओ दुर्घटना, गाउँपालिका अध्यक्ष र उपाध्यक्ष पनि घाइते

हाम्रा कुरा

प्रकाशित २०७८ माघ १२ बुधबार

काठमाडौं । लुम्बिनी प्रदेशसभा सदस्य तुलसी चौधरी चढेको स्कारपिओ दुर्घटनामा परेको छ । राष्ट्रिय सभा सदस्य निर्वाचनमा सहभागी हुन आज दाङको घोराही आउँदै गर्दा चौधरी चढेको बा२झ ३४४४ नम्बरको स्कारपिओ दुर्घटनामा परेको हो ।

उनी सवार शुद्धोदन गाउँपालिकाको बा२झ ३४४४ नम्बर को स्कारपिओ गाडी गढवा गाउँपालिकाको कालाकाँटेमा लु१प २५८४ नम्बरको ट्रकसँग ठक्कर खाएको थियो ।

चौधरी सामान्य घाइते भएका छन् । उनको हातमा सामान्य चोट लागेको जिल्ला प्रहरी कार्यालय दाङका प्रहरी प्रवक्ता मुकुन्द रिजालले जानकारी दिए ।

सो गाडीमा सवार गाउँपालिका अध्यक्ष किशुचन्द चौधरी र उपाध्यक्ष शान्तादेवी ज्ञवाली पनि घाइते भएका छन् । घाइते दुवै जनाको भालुवाङ अस्पतालमा उपचार भइरहेको र अवस्था सामान्य रहेको प्रहरीले जनाएको छ ।