-
-
-
-
काठमाडौं । ओमानमा जारी चारदेशीय टी–२० क्रिकेट श्रृंखलाको अन्तिम खेलमा नेपाल र आयरल्याण्ड खेलिरहेका छन् । जितका लागि नेपालले एक सय २८ रनको चुनौती पछ्याइरहेको छ ।
अल अमेरात क्रिकेट मैदानमा टस हारेर पहिले ब्याटिङ गरेको आयरल्यान्डले २० ओभरमा अलआउट हुँदै एक सय २७ रन बनायो । आयरल्यान्डका जर्ज डोकरेलले २८, कर्टिस क्याम्फरले २० तथा कप्तान एन्डी विलवार्नीले १९ रन बनाए ।
नेपालका लागि दिपेन्द्र सिंह ऐरीले शानदार बलिङसहित ४ विकेट लिए । उनले ४ओभर बलिङ गर्दै २१ रनमात्र खर्चिएका थिए । अविनाश बोहराले दुई विकेट लिए ।
त्यस्तै कप्तान सन्दीप लामिछाने, कमल सिंह ऐरी र जितेन्द्र मुखियाले एक–एक विकेट लिए । योसँगै सन्दीपले टी–२० मा ५० विकेट पनि पूरा गरेका छन् ।
चार देशबीचको भिडन्तमा नेपालले यो खेल १३.३ ओभरभित्र जित्ने हो भने उपाधि नै जित्ने छ । सोही अनुसार नेपालले आक्रामक ब्याटिङ गरिरहेको छ ।
नेपालसहित, आयोजक यूएई, आयरल्याण्ड र ओमान गरी चार टिमबीच प्रतियोगिता भइरहेको हो ।
