काठमाडौं । नेपाली काँग्रेसको भ्रातृ संगठन नेविसंघको महाधिवेशन काठमाडौंको भृकुटीमण्डपमा जारी रहेको छ । आइतबार पहिलो दिन उद्घाटनमात्र भएको छ । दुई घण्टा ढिला गरी सुरु भएको उद्घाटन सत्र रातिसम्मै चलेको थियो ।
विभिन्न विवादबीच सुरु भएको यो महाधिवेशन शुद्ध र पवित्र हुनेमा शंका अझै कायमै छ । त्यसकै कारण हो कि भृकुटीमण्डपको वातावरण पनि त्यति सहज देखिएन ।
उद्घाटनका क्रममा वरिष्ठ नेताहरुलाई सम्मानपूर्वक खादा लगाइदिए पनि नेताहरुले त्यसलाई त्यहीं छाडेर जाँदा भने फोहोर देखिएको छ ।
नेताहरुको यो क्रियाकलापले भने उनीहरुको हैसियतसमेत देखिएको छ । खादा कहिल्यै पनि सड्दैन । यसलाई कतिपय स्थानमा प्रतिवन्ध नै लगाइएको छ ।
काँग्रेसले यसलाई पाठका रुपमा अझै लिएको पाइएन । नेविसंघ पार्टीको जग हो भने जगैदेखि यसलाई प्रतिवन्ध लगाउने घोषणा गर्न सके यसले दिन सन्देश पक्कै पनि सकारात्मक हुने थियो ।
यसले अनावश्यक फजुल खर्च त रोक्ने नै छ वातावरण जोगाउन पनि मद्धत गर्नेछ ।
