-
-
-
-
झापा । जर्मनीबाट केही हप्ता अघि फर्किएका बिर्तामोडका एक युवक अर्धनग्न अवस्थामा मृत भेटिएका छन् । झापाको बिर्तामोड ५ स्थित मित्र नगरका २८ वर्षीय चिरञ्जीवी दाहाल घरको बन्द कोठाभित्र मृत अवस्थामा भेटिएका हुन ।
कोठामा नग्न अवस्थामा कम्मर माथि रक्ताम्मे भई मृतावस्थामा भेटिएको मृतक दाहालकी हजुरआमा रुकमिना पौडेलले प्रहरीलाई बताएकी हुन ।करिब १२ बजे मामलकी हजुरआमालाई टिभी कोठामा छोडेर निस्किएका दाहाल केही समय पश्चात् नग्न अवस्थामा भेटिएका थिए ।
दाहाल केही हप्ता अघि मात्र जर्मनीबाट घर फर्किएका थिए । घटनास्थलमा भान्सा कोठामा प्रयोग हुने छुरी फेला परेको प्रहरीले जनाएको छ ।
घटनाबारे अनुसन्धानका लागि कानुनी प्रक्रिया अगाडि बढाइएको इलाका प्रहरी कार्यालय बिर्तामोडका प्रमुख प्रहरी नायब उपरीक्षक सन्तोष आचार्यले जानकारी दिएका छन् ।
