-
-
-
-
काठमाडौं । प्रधानमन्त्री शेरबहादुर देउवाले चैत तेस्रो साता भारतको भ्रमण गर्ने भएका छन् । चैत १८ देखि २० गतेसम्म तीन दिने भारत भ्रमणको तयारी भैरहेको परराष्ट्र मन्त्रालय स्रोतले बताएको छ ।
‘प्रधानमन्त्रीज्यूको भारत भ्रमणको तयारी भैरहेको छ। सम्भवतः चैत १८ देखि २० गतेसम्म उहाँले भारत भ्रमण गर्नुहुनेछ’, स्रोतले भन्यो । भारत भ्रमणको तयारी शुरु भएपछि प्रधानमन्त्री देउवा श्रीलंकामा चैत १६ गतेबाट शुरु हुने बिम्स्टेक शिखर सम्मेलनमा सहभागी हुन नजाने भएका छन् ।
उनले सम्मेलनलाई भर्चुअल सम्बोधन गर्नेछन् । देउवा पाँचौं पटक प्रधानमन्त्री भएपछि उनले गर्न लागेको यो पहिलो भारत भ्रमण हो ।
केहि साता अघि उनी एउटा सम्मेलनमा सहभागी हुन भारतको गुजरात जान लागेका थिए । तर कोरोना संक्रमण बढेपछि उक्त भ्रमण स्थगित गरिएको थियो ।
