-
-
-
-
रुपन्देही । दाङको घोराही उपमहानगरपालिकामा एमालेका केन्द्रीय सदस्य निवर्तमान नगरप्रमुख नरुलाल चौधरीले जित हात पारेका छन् ।
गए राती सम्पन्न मतगणनाले उपमहानगरको प्रमुखमा नेकपा एमालेका नेता चौधरीले ३१ हजार ७ सय २८ मत ल्याएर निर्वाचित भएका हुन् ।
उनका निकटतम प्रतिस्पर्धी सत्ता गठबन्धन तर्फबाट माओवादी केन्द्रका हेमराज शर्मा "डायमण्ड"ले २६ हजार ३ सय ६८ मत ल्याएर पराजित भएको बताइएको छ ।
उपप्रमुखमा नेकपा एमालेकै नेतृ हुमा डिसिले ३० हजार ४ सय ३ मत ल्याएर विजयी भएकी छिन् । उनका निकटतम प्रतिस्पर्धी गठबन्धनका नेपाली काँग्रेसका भूप बहादुर डाँगीले ३० हजार ३ सय ५४ मत ल्याएर हार बेहोरेका छन् ।
निकै प्रतिस्पर्धात्मक रूपमा तलमाथि हुँदै गए पनि अन्ततः पछिल्लो समय दाङको घोराही नेकपा एमालेको लालकिल्ला बन्न पुगेको छ।
