प्रधानमन्त्री देउवा र धनगढीका मेयर हमालबीच छलफल, उपमहानगरको भवन उद्घाटन
सुनिल आउजी,
प्रकाशित २०७९ असार ४ शनिबार
349
Shares
धनगढी । प्रधानमन्त्री शेरबहादुर देउवाले धनगढी उपमहानगरपालिकाको नवनिर्मित भवन उद्घाटन गरेका छन्। शुक्रबार सुदूरपश्चिम पुगेका प्रधानमन्त्री देउवाले शनिबार धनगढी उपमहानगरको नवनिर्मित भवन उद्घाटन गरेका हुन् ।
उनी सुदूरपश्चिम विश्वविद्यालयको दीक्षान्त समारोहमा सरिक हुन शुक्रबार कञ्चनपुर आएका थिए। त्यस्तै नेपाली कांग्रेस कञ्चनपुर जिल्ला कार्यसमितिले आयोजना गरेको स्थानीय पालिकाहरूमा निर्वाचित नौ ओटै स्थानीय तहका जनप्रतिनिधिलाई सम्मान र शुभकामना आदानप्रदान कार्यक्रममा पनि प्रधानमन्त्री देउवा सहभागी भएका थिए ।
यसैबीच शुक्रबार नै सुदूरपश्चिम विश्वविद्यालयको दीक्षान्त समारोहमा सहभागी भएर धनगढी पुगेका प्रधानमन्त्री देउवासँग उपमहानगरपालिकाका मेयर गोपाल हमालले पनि भेट गरेका थिए । उनीहरुबीच धनगढीको विकासका लागि छलफल भएको थियो ।
