-
-
-
-
रौतहट । तराईको गौरमा ५७ सय बढी कार्यकर्तालाई नेकपा एमालेका अध्यक्ष केपी शर्मा ओलीले स्वागत गरेका छन् । सोमबार एमालेले रौतहटको गौरमा आयोजना गरेको बृहत् पार्टी प्रवेश कार्यक्रममा विभिन्न पार्टी परित्याग गरिए आएकाहरू एमाले प्रवेश गरेका हुन् ।
सो अवसरमा गौर नगरपालिकाका पूर्वप्रमुख अजय कुमार गुप्ताको नेतृत्वमा पाँच हजार सात सय ४३ जना एमालेमा प्रवेश गरेका थिए ।
पार्टी प्रवेश तथा आमसभालाई सम्बोधन गर्दै अध्यक्ष ओलीले एमाले जनता एवं प्रगतिशील जनताको पार्टी भएको बताए । एमाले भ्रष्टाचारीलाई निरुत्साहित गरेर समृद्ध नेपाल सुखी नेपाली बनाउने पार्टी भएको बताए ।
पूर्व प्रधानमन्त्री ओलीले तराई मधेसका जिल्लाहरूले बर्सेनि कटान, डुबान र बाढीको समस्या झेल्दै आएकाले छिमेकी मुलुक भारतसँग वार्ता गरी यसको समाधान खोज्नुपर्ने बताए ।
