-
-
-
-
काठमाडौं । अर्जेन्टाइन चर्चित फुटबल स्टार लियोनल मेस्सी पहिलो १६ वर्षमा पहिलो पटक बालोन डी’ओर अवार्डको मनोनयनमा पर्न असफल भएका छन् । आयोजक फ्रान्स फुटबलले सार्वजनिक गरेको मनोनयनमा पर्ने ३० जनाको सूचीमा कीर्तिमानी सात पटकका विजेता फ्रेन्च क्लब पेरिस सेन्ट जर्मेन (पीएसजी) का स्टार मेस्सी नअटाएका हुन् ।
उनी २००६ पछि पहिलो पटक मनोनयनमा नपरेका हुन् । मेस्सीले पछिल्लो पटक २०२१ मा अवार्ड जितेका थिए । मेस्सीसँगै ब्रजिलियन स्टार एवं पीएसजीकै स्ट्राइकर नेयमार पनि मनोनयनको सूचीमा अटाएका छैनन् ।
यस अवार्डको मुख्य दाबेदार मानिएका स्पेनिश क्लब रियाल मड्रिडका करिम बेन्जिमा मनोनयनमा परेका छन् । रियालका मात्रै ६ खेलाडी मनोनयनमा छन् ।
त्यस्तै अर्का चर्चित पोर्चुगिच फुटबल स्टार क्रिस्टियानो रोनाल्डोसमेत ३० जनाको सूचीमा अटाएका छन् । अवार्ड घोषणा आगामी अक्टोबर १७ हुने आयोजकले जनाएको छ ।
यी हुन् ३० भित्र पर्ने खेलाडीहरु–
रियाल मड्रिडबाटः करिम बेन्जिमा, थिवाउट कोर्टुवा, भिनिसियस जुनियर, क्यासमिरो, लुका मोड्रिच, एन्टेनियो रुडिगर ।
लिभरपुलबाट– मोहम्मद सलाह, ट्रेन्ट एलेक्सान्डार आर्नोल्ड, लुयस डियाज, फाविन्हो, डार्विन नुनेज, भर्जिलभान डाइक ।
म्यानचेस्टर सिटीबाट– रियाद महारेज, बर्नाडो सिल्भा, फिल फोडेन, केभिन डि ब्रुने, क्यान्सेलो ।
डर्टमुन्डबाट– एर्लिङ हालान्ड, सेबास्टियन हालेर ।
बार्सिलोनाबाट– रोबर्ट लेवान्डोस्की ।
टोटनह्यामबाट – ह्युङ मिन सन, ह्यारि केन ।
बायर्न म्यूनिखबाट – योसुवा किम्मिख, साडियो माने ।
एसी मिलानबाट – राफयल लियो, मेक मेइगनान ।
आरबी लेप्जिगबाट – क्रिस्टोफोर एनकुकु ।
म्यानचेस्टर युनाइटेडबाट – क्रिस्टियानो रोनाल्डो ।
पीएसजीबाट – केलियन एमबाप्पे ।
युभेन्टस – डुसान भ्लाहोभिक ।
