काठमाडौं । भारतको पहिलो स्वदेशी विमान वाहक आईएनएस विक्रान्तलाई भारतीय प्रधानमन्त्री नरेन्द्र मोदीले शुक्रबार भारतको दक्षिणी सहर कोचीमा सञ्चालनमा ल्याएका छन् ।

आईएनएस विक्रान्त विमान वाहक भारतीय नौसेनाको इन हाउस युद्धपोत डिजाइन ब्यूरो (डब्ल्यूडीबी) द्वारा डिजाइन गरिएको हो । 

बन्दरगाह, ढुवानी र जलमार्ग मन्त्रालय अन्तर्गतको राज्य इकाई कोचीन शिपयार्ड लिमिटेडले यसलाई बनाएको हो ।

यो युद्धपोत भारतका प्रमुख औद्योगिक घरानाहरू र १०० भन्दा बढी एमएसएमईहरूद्वारा आपूर्ति गरिएको स्वदेशी उपकरण र मेसिनरी प्रयोग गरेर बनाइएको हो ।

दिन सीटी अन दि मुभको रूपमा चिनिएको विक्रांतलाई अत्याधुनिक स्वचालन सुविधाहरूको साथ निर्माण गरिएको छ । यो भारतको समुद्री इतिहासमा बनाइएको सबैभन्दा ठूलो जहाज हो।

Indigenous Aircraft Carrier #IACVikrant the largest & most complex warship ever built in the maritime history of #India, named after her illustrious predecessor, India’s first Aircraft Carrier which played a vital role in the 1971 war is all set to be commissioned#INSVikrant pic.twitter.com/ADsSoIXUNr

— रक्षा मंत्री कार्यालय/ RMO India (@DefenceMinIndia) September 2, 2022

विमान वाहकको नाम यसको प्रसिद्ध पूर्ववर्ती र भारतको पहिलो विमान वाहकको नाम अनुसार राखिएको हो । यसले सन् १९७१ को युद्धमा महत्वपूर्ण भूमिका निभाएको थियो ।

आईएनएस विक्रान्त भारतको आईएनएस विक्रमादित्य पछिको दोस्रो विमान वाहक हो । आईएनएस विक्रमादित्य रुसी प्लेटफर्ममा निर्माण गरिएको थियो।

आईएनएस विक्रान्त युद्धपोत २६२ मिटर लामो र ६२ मिटर चौडा रहेको छ । यो कति ठूलो छ भनेर बुझ्नको लागि यो युद्धपोत दुईवटा फुटबल मैदान जत्तिकै ठूलो रहेको र यसमा १८ वटा तला रहेका छन् ।

कोच्चिको कोचीन शिपयार्ड लिमिटेडमा आईएनएस विक्रान्तको कमीशनिङ समारोहमा पुग्दा भारतीय प्रधानमन्त्री नरेन्द्र मोदीलाई गार्ड अफ अनर दिइएको थियो ।

विक्रान्तमा १४ डेकसहित २ हजार ३ सय कम्पार्टमेन्टहरू छन् । जसमा करिब १,५०० समुद्री योद्धाहरू बोक्न सकिन्छ र खानाको आवश्यकता पूरा गर्न जहाजको भान्छा (जहाजको ग्याली) मा करिब १०,००० चपातीहरू बनाउन सकिन्छ ।

यो जहाज चार ग्यास टर्बाइनहरूद्वारा संचालित छ र यसमा कुल ८८ मेगावाट शक्ति र करिब ५२ किलोमिटरको गति रहेको छ ।