काठमाडौँ । नेपाली काँग्रेसका नेता प्रकाशमान सिंहले १७ महिनाभित्र तीनवटै निकायको निर्वाचन गराउनु अत्यन्तै चुनौतीपूर्ण हुने बताएका छन् ।
‘डोको नेपाल’ नामक संस्थाले बुद्धनगरमा गरेको ‘शैक्षिक सम्मान कार्यक्रम’मा नेता सिंहले छोटो समयमा धेरै निर्वाचन गराउनुपरेकाले दलहरुबीच एकताको आवश्यकता रहेको बताए ।
उनले भने, ‘सीमाङ्कनमा देखिएका समस्यालाई राजनीतिक दलका नेता बसेर चाँडो समाधान गर्नुपर्छ ।’
नेता सिंहले मधेसका समस्याप्रति सरकार गम्भीर हुनुपर्ने धारणा राखे । उनले संविधान कार्यान्वयनमा जुट्न सबै राजनीतिक दललाई आग्रहसमेत गरे ।
पूर्व उपप्रधानमन्त्रीसमेत रहेका सिंहले संविधान कार्यान्वयन गरी मुलुकलाई विकासको बाटोमा लैजानु अहिलेको आवश्यकता रहेको स्पष्ट पारे ।
उनले शिक्षा जनताको अपेक्षाअनुरुप हुन नसकेको भन्दै शिक्षालाई समयानुकूल परिमार्जन गर्दे लैजानुपर्नेमा जोड दिए ।
