-
-
-
-
डडेलधुरा । प्रधानमन्त्री तथा नेपाली कांग्रेसका सभापति शेरबहादुर देउवाको उम्मेदवारी दर्ता भएको छ । उनकी पत्नी आरजू राणा देउवाले शेरबहादुरको उम्मेदवारी दर्ता गराएकी हुन् ।
आइतबार मुख्य निर्वाचन अधिकृतको कार्यालय डडेल्धुरामा गएर आरजूले वारेसनामामार्फत उम्मेदवारी दर्ता गराएकी हुन् । देउवाको प्रस्तावक कांग्रेस डडेल्धुराका सचिव हेमराज चटौत र समर्थक पार्टी जिल्ला उपसभापति डिल्लीराज जोशी छन् ।
देउवा डडेल्धुरामा २०४८ सालदेखि निरन्तर विजयी हुँदै आएका छन् । देउवाको यो आठौं निर्वाचन हो ।
