बझाङ। गत साउनमा आएको बाढीले जिल्लाका ३७ गाबिस लाई सदरमुकामसंग जोड्ने बाउलीगाडको झोलुङ्गे पुल बगाएपछि सास्ती भोग्दै आएका स्थानियहरु काठे पुल निर्माण भएपछि खुशि भएका छन् । पुल बगाएसंगै ५ मिनेटको यात्रामा झण्डै डेढ घण्टाको यात्रा गर्दै आएका स्थानिय बासीले बाहुलीगाडमा काठेपुल निर्माण भए पछि खुशी भएका हुन् ।
जिल्लाका अधिकाशं गाबिस लगायत बाहिरका जिल्लाबाट आउने मानिसलाई चैनपुर आवत जावत गर्न सास्ति भएको हुदै आएको थियो । बाउली गाड काठेपुल निर्माणका लागी उपभोक्ता समिती गठन गरि काठेपुल निर्माण गरीएको उपभोक्त समितीका अध्यक्ष गणेश विकले बताए। विकले भने,'काठे पुलको वारी पारी तारजाली लगाई पुल निर्माणको अन्तिम चरणमा पुगेको छ । पुल स्थानियबासीको जनश्रमदान र जिल्ला विकास समितीको आर्थीक तथा प्राबिधिक सहयोगमा निर्माण भएको हो ।
