कपिलवस्तु । नेपाली कांग्रेसको भ्रातृ संस्था नेपाल तरुण दल कपिलवस्तुको ५ वटै क्षेत्रमा क्षेत्रीय अधिवेशन सकिएको छ । क्षेत्र नम्बर १ र ५ मा निर्वाचन तथा २, ३ र ४ मा सर्वसहमतिको आधारमा नेतृत्व चयन भएको छ ।
क्षेत्र नम्बर १ को सभापतिमा तिलक थापा निर्वाचित भएका छन । थापाले ५६ मत पाएका थिए भने उनका निकटम प्रतिस्पर्धी कृष्ण चौधरीले ५१ मत पाए ।
थापाले ५ मतले पछि पार्दै जित हात पारेका हुन् । क्षेत्र नम्बर २ मा शुनील पाण्डे्य निविरोध निर्वाचित भएका छन् । त्यस्तै क्षेत्र नम्बर ३ मा राजेश उपाध्याय निर्वाचित भए ।
अन्य उमेद्वारले उमेद्वारी दिएपनि पार्टीका नेताहरुको सहमतिमा राजेश उपाध्यायलाई क्षेत्रीय सभापति बनाइएको हो । त्यस्तै क्षेत्र नम्बर ४ मा सर्वसहमतिमा चोपलाल पौडेल निर्वाचित भए ।
क्षेत्र नम्बर ५ मा सेराज अहद खाँ सभापतिमा निर्वाचित भएका छन् । खाँले ५५ मत पाई विजयी भए । उनका प्रतिस्पर्धी विष्णु पोखे्रलले १७ मत पाएका थिए पोख्रेलललाई ३८ मतको अन्तर पार्दै खाँ विजयी भए ।
जिल्लाका ५ वटै निर्वाचन क्षेत्रमा सौहार्दपूर्ण रुपमा क्षेत्रीय अधिवेशन सम्पन्न भएको नेपाली कांगे्रस कपिलवस्तुले जनाएको छ ।
त्यस्तै, नेपाल तरुण दल केन्द्रीय महाधिवेशन प्रतिनिधीमा क्षेत्र नम्बर १ बाट बिनोद गुरुङ, २ बाट कलमेश शुक्ला, ३ बाट विश्वराज रेग्मी, ४ बाट विन बहादुर बन्जाडे चयन भएका छन् ।
जिल्ला अधिवेशन भने यही भाद्र ३० गते हुने तय भएको छ । तौलिहवा तरुण दल र नेपाली कांगे्रस तथा निर्वाचन समिति बसेर निर्वाचन कार्यतालिका सार्वजनिक गरेको छ । जस अन्र्तरगत भाद्र २९ गते उमेद्वारी दर्ता, दावी विरोध र उमेद्वारको नामावली प्रकाशन, ३० गते १० बजे पार्टी कार्यालयमा मतदान हुने तालिका रहेको नेपाली कांगे्रसका जिल्ला सदस्य ललित गुरुङले जानकारी दिए ।
तरुण दलका केन्द्रीय सदस्य लोकेन्द्रध्वज खाँण को अध्यक्षतामा बैठक बसेर निर्वाचनको कार्य तालिका सार्वजनिक गरिएको हो ।
३० गते हुने जिल्ला अधिवेशनको लागि जगदिश पाण्डेय, नन्दराज राना, शक्ति सिंह ठकुरी, अनिल घिमिरे लगायतले उम्मेद्वारी दिने भएका छन् । नेताहरुले सर्वसहमतिको प्रयास गरेपनि २ वा ३ जनाको निर्वाचनमा मतदान हुने निश्चितप्राय छ । उमेद्वारी दिने नेताहरु अहिले जिल्लामा मतदाताका घर–घरमा गएर मत मागिरहेका छन् ।
