विजयकुमार शाह फेरि पनि सबैभन्दा बढी कर तिर्ने व्यक्ति, भए सम्मानित

हाम्रा कुरा

प्रकाशित २०७९ मंसिर ७ बुधबार

काठमाडौँ । जावलाखेल ग्रुप अफ इन्डस्ट्रिजका संस्थापक अध्यक्ष विजयकुमार शाह सबैभन्दा बढी कर तिने व्यक्ति बनेका छन् । व्यक्तिगततर्फ सबैभन्दा बढी कर तिरेबापत आन्तरिक राजश्व विभागले उनलाई सम्मान गरेको छ । उनी लगातार सबैभन्दा बढी कर तिर्ने व्यक्ति बनेका हुन् ।

यसअघि उनले आर्थिक वर्ष २०७५–०७६ मा सबैभन्दा बढी कर तिरेपछि ६ वर्षदेखि लगातार सर्वाधिक आयकर तिरेर सम्मानित हुँदै आएका सिद्धार्थ राणालाई उछिनेका थिए । त्यसपछि शाह नै लगातार सबैभन्दा बढी कर तिर्ने व्यक्ति बनेका छन् ।

आज आन्तरिक राजस्व विभागले राष्ट्रिय कर दिवस २०७९ को अवसरमा विभिन्न संस्था, कम्पनी तथा व्यक्तिलाई सबैभन्दा बढी कर तिरेको भन्दै सम्मान गरेको हो । सोही क्रममा शाह पनि सम्मानित भए ।