काठमाण्डौ। नयाँ शक्ति पार्टी, नेपालको यूवा भातृ संगठन् राष्ट्रिय यूवा अभियानले आफ्नो प्रथम महाधिबेशन आगामी फागुनमा गर्ने घोषणा गरेको छ।
शुक्रबार रिपोर्टर्स क्लब नेपालमा अभियानले पत्रकार सम्मेलन गरेर भदौ २७ र २८ गते बसेको बैठकले ६ बुँदे निर्णण पारित गर्दै प्रथम सम्मेलन आगामी फागुन १९, २० र २१ गते सम्पन्न गर्ने जनाएको छ।
कार्यक्रममा बोल्दै अभियानका संयोजक कमल शाहीले भने “देश व्यापि ३० हजार सदस्यता वितरण गर्ने, असोज १ गते देखि १५ गते सम्ममा प्रथम अधिवेशन आयोजक समितीको बैठक सम्मपन्न गर्ने, जिल्ला नगर, गाउँ पालिका, प्रारम्भिक समितीहरूको अधिवेशन कार्तिक १ देखि कार्तिक मशान्तसम्म सम्पन्न गर्ने लगायतका निर्णय पारित गरेका छौ, तोकिएकै समयमा हाम्रो महाधिबेशन सम्पन्न हुन्छ।”
अर्को प्रसँगमा उनले भने “विकास, समृद्धि र सुशासनको लागि राष्ट्रिय यूवा अभियानलाई वैकल्पिक राजनीतिक पार्टीको भातृ संगठन बनाउने हाम्रो चाहना छ, यसमा जनताको सद्भाव रहने विश्वास पनि लिएको छु।”
