-
-
-
-
काठमाडौं । बालकोटमा जारी बैठक सकिएको छ । माओवादी केन्द्रका अध्यक्ष पुष्पकमल दाहाल प्रचण्डलाई प्रधानमन्त्री बन्ने निश्चित भएको छ ।
बैठकमा साढे दुई वर्षका लागि प्रचण्डलाई प्रधानमन्त्री बनाउने सहमति भएको बताइएको छ । यद्यपि बैठकको आधिकारिक जानकारी बाहिर आएको छैन ।
यता जनता समाजवादी पार्टी (जसपा) का अध्यक्ष उपेन्द्र यादवले पार्टी बैठक बोलाएका छन् । यसअघि राष्ट्रिय परिषद् अध्यक्ष अशोक राई बालकोटबाट पार्टीभित्र आन्तरिक छलफल पछि निष्कर्षमा पुग्न सकिने भनेर बाहिरिएका थिए।
अब नेकपा एमाले, माओवादी केन्द्र, राष्ट्रिय स्वतन्त्र पार्टी, जसपा र जनमत पार्टी मिलेर सरकार बन्नेछ । बालकोटबाट ओली शीतलनिवासका लागि निस्कने तयारीमा छन् ।
