-
-
-
-
काठमाडौं । फ्रेन्च लिग वान फुटबलमा पेरिस सेन्ट जर्मेन (पीएसजी) ले पुनरागमन जित हासिल गरेको छ । लियोनल मेस्सीको गोलमा पीएसजीले पुनरागमन जित निकालेको हो ।
शनिबार राति भएको खेलमा पीएसजीले टुलुसलाई २–१ गोल अन्तरले हराएको हो । घरेलु मैदानमा एक गोलको अग्रता उल्टाएर पीएसजीले जित निकालेको हो ।
खेलको २० औं मिनेटमा ब्रान्को भान डेन बोमेनले गोल गर्दै टुलुसलाई शुरुआती अग्रता दिलाए । खेलको ३८ औं मिनेटमा हाकिम अच्राफीले गोल गर्दै पीएसजीलाई १–१ गोलको बराबरीमा ल्याए ।
खेलको ५८ औं मिनेटमा मेस्सीले गोल गर्दै पीएसजीलाई २–१ ले जिताए ।
शनिबारका अन्य खेलको नतिजा
ट्रोयेस १–३ लियोँ
रेन्नेस १–३ लिले
अंक तालिका
पीएसजी २२ खेलमा ५४ अंकसहित शीर्ष स्थानमा रहेको छ । २१ खेलमा ४६ अंकसहित मार्से दोस्रो स्थानमा रहेको छ ।
लेन्स ४५ अंकसहित तेस्रो स्थानमा छ ।
