बालुवाटारबाट बाहिरिएपछि केपी ओली र माधव नेपालबीच गोप्य वार्ता
हाम्रा कुरा
प्रकाशित २०७९ फागुन १२ शुक्रबार
2.9k
Shares
तस्बिर – फाइल ।
काठमाडौं । एमाले अध्यक्ष केपी शर्मा ओली र नेकपा एसका अध्यक्ष माधवकुमार नेपालबीच गोप्य वार्ता भइरहेको छ । साँझ ५ बजेदेखि नेकपा एससहित चार दलको बैठकले निरन्तरता पाउने भनिए पनि उक्त बैठकमा नगइ माधव नेपाल केपी ओलीसँग गोप्य वार्तामा बसेको बताइएको छ ।
वार्ता स्थल गोप्य राखिएको छ । यसअघि गत आइतबार चार घण्टासम्म केपी ओली र माधव नेपालबीच महाराजगञ्जको एक घरमा गोप्य वार्ता भएको थियो । केपी ओलीले उक्त वार्तामा पार्टी एकता गर्ने र माधवलाई राष्ट्रपति बनाउने प्रस्ताव गरेका थिए ।
तर त्यसयता विभिन्न चरणमा विभिन्न दलका नेताहरुबीच छलफल चलिरहेको छ । बालुवाटारमा प्रधानमन्त्री पुष्पकमल दाहाल प्रचण्डसँगको वार्ता निष्कर्षविहीन भएपछि ओली बाहिरिएका थिए ।
उनले माधव नेपाललाई सर्वसम्मत बनाउने हो भने आफूहरुले एमालेको उम्मेदवार नउठाउने तर माधव बाहेकको अर्को व्यक्तिलाई समर्थन गरे एमालेले पनि उम्मेदवार उठाउने बताएका थिए ।
त्यसलगत्तै नेपाली कांग्रेसहितका दलका नेताहरु बालुवाटार छिरेका थिए ।
