सितापुरीमा ठक्कर दिएर फरार बोलेरो चालक बिर्तामोडबाट पक्राउ

हाम्रा कुरा

प्रकाशित २०७९ चैत ८ बुधबार

काठमाडौं । मंगलबार राती पूर्वपश्चिम राजमार्ग अन्तर्गत झापाको कमल गाउँपालिका वडा नं ४ सितापुरीमा बोलेरको ठक्करबाट एक जनाको मृत्यु भएको छ । पश्चिमबाट पूर्वतर्फ गइरहेको बोलेरोको ठक्करबाट कमल ५ का अन्दाजी ४० वर्षीय चन्द्रबहादुर राई रहेको प्रहरीले जनाएको छ ।

राती करिब १० बजे मे १ ज १९४२ नम्बरको बोलेरोले राईलाई ठक्कर दिएको थियो । फरार रहेको सवारी लाई चालकसहित बुधबार बिहान २.३० बजे बिर्तामोडस्थित बसपार्कमा फेला पारेको कोशी प्रदेश ट्राफिक प्रहरी कार्यालय इटहरीले जनाएको छ ।

ट्राफिक प्रहरी पोष्ट केर्खाका इन्चार्ज रोहित थापाले इलाका प्रहरी कार्यालय दमक र ट्राफिक प्रहरी पोष्ट केर्खाको संयुक्त टोलीले फरार रहेको सवारी खोजी गर्ने क्रममा चालक इलाम नगरपालिका २ का ३२ वर्षीय पेम्बा तामाङलाई बिर्तामोड बसपार्कमा फेला पारेको जानकारी दिएका छन् ।