अर्घाखाँचीमा आगलागीमा परी गम्भीर घाइते भएका चारमध्ये तीनको मृत्यु

हाम्रा कुरा

प्रकाशित २०८० वैशाख २७ बुधबार

अर्घाखाँची । भुमिकास्थान नगरपालिकामा आगो निभाउने क्रममा जलेर घाइते भएका ४ मध्ये ३ जनाको मृत्यु भएको छ । मंगलबार दिउँसो भुमिकास्थान २ तिरतिरेमा पदम बेल्बासेको घरमा लागेको आगो निभाउने क्रममा घाइते भएका ७२ वर्षीय पिताम्बर बेल्बासे, ५५ वर्षीय पदम बेल्बासे र ५२ वर्षीय घनश्याम बेल्बासेको उपचारको क्रममा ज्यान गएको हो ।

सो आगलागीमा परी घाइते भएकालाई शुरुमा जिल्ला अस्पताल सन्धिखर्कमा उपचार गरिएको थियो । त्यहाँ उपचार सम्भव नभएपछि थप उपचारका लागि मिसन अस्पताल पाल्पाका लागि रेफर गरिएको थियो ।

र, पाल्पा मिशन अस्पतालमा पनि उपचार हुन नसकेपछि काठमाडौं रेफर गरिएकोमा उपचारका लागि काठमाडौं ल्याउँदै गर्दा तीनै जनाको बाटोमै मृत्यु भएको छिमेकी विष्णु बेल्वासेले सञ्चारकर्मीलाई जानकारी दिए ।