विश्वकप छनोटः नेपालले पहिलो पटक टेष्ट राष्ट्र जिम्बाब्वेसँग खेल्दै

हाम्रा कुरा

प्रकाशित २०८० असार ३ आइतबार

काठमाडौँ । भारतमा आयोजना हुने आईसीसी एक दिवसीय विश्वकप छनोट क्रिकेट प्रतियोगिता आजबाट जिम्बाब्वेमा शुरु हुँदैछ । पहिलो खेलमा नेपालले आयोजक जिम्बाब्वेसँग खेल्दैछ ।

खेल हरारे स्पोर्टस् क्लबमा नेपाली समय अनुसार दिउँसो १२ः४५ बजे शुरु हुनेछ । नेपालले पहिलो पटक टेष्ट मान्यता प्राप्त राष्ट्रसँग एक दिवसीय विश्वकप छनोटमा खेल्न थालेको हो । यो नेपालको टेष्ट राष्ट्रसँग पहिलो एक दिवसीय अन्तर्राष्ट्रिय मान्यताप्राप्त खेल पनि हो ।

नेपाल र जिम्बाब्वेले हालसम्म एक मात्र ५० ओभरको खेल खेलेको छ । सन् २०१८ को ४ मार्चमा जिम्बाब्वेमा नै आयोजना भएको विश्वकप छनोट खेलमा नेपाल र जिम्बावेबीच खेल भएको थियो ।