-
-
-
-
झापा । गर्मी र वर्षा मौसम सुरु भएयता झापामा डेंगी रोगको संक्रमण बढ्न थालेको छ ।
स्वास्थ्य कार्यालय झापाका अनुसार विगत पाँच दिनमा १२ जनामा डेंगी रोगको संक्रमण देखिएको छ ।
उक्त तथ्याङ्क अनुसार झापामा डेंगी रोगको संक्रमण दिनानुदिन बढ्दै गएको देखिएको छ ।
पछिल्लो विवरण अनुसार झापामा श्रावण १ देखि ५ गतेसम्म ४ महिला र ८ पुरुषमा डेंगी संक्रमण देखिएको स्वास्थ्य कार्यालय झापाले जानकारी दिएको छ ।
संक्रमित हरू मध्ये हाल ६ जना अस्पताल भर्ना भएको स्वास्थ्य कार्यालय झापाले जनाएको छ । डेंगी संक्रमणबाट गत असोजमा दुई जनाको मृत्यु भएको थियो ।
स्वास्थ्य कार्यालय झापाका परिवार नियोजन अधिकृत भद्रपुर ७ सरस्वती टोल निवासी ५७ वर्षीय शशिकुमार भट्टराईको डेंगी संक्रमणबाट मृत्यु भएको थियो ।
त्यस्तै बिर्तामोड ३ निवासी एक महिलाको बिएण्डसी अस्पतालमा उपचारको क्रममा मृत्यु भएको थियो ।
