ओली भन्छन् - गर न त छानबिन, अनि जाऊ आफैँ जेल [भिडियो]
गिरीबन्धु, यति,ओम्नीसहित सबै प्रकरणको छानबिन गर्न ओलीको चुनौती
हाम्रा कुरा
प्रकाशित २०८० भदौ ११ सोमबार
845
Shares
काठमाडौं । आफ्ना नाम जोडिएका सबै भ्रष्टाचार काण्डमा छानबिन गर्न नेकपा (एमाले) का अध्यक्ष केपी शर्मा ओलीले सरकारलाई चुनौती दिएका छन् । ओलीले गिरीबन्धु टी स्टेट, यति, ओम्नीसहितका प्रकरणमा छानबिन गर्न सरकारलाई चुनौती दिएका हुन् ।
सत्तारुढ दललाई भ्रष्टहरूको संज्ञा दिँदै आफूमाथि आरोप लगाइएका सबै विषयमा छानबिन गरे उनीहरू आफैँ जेल जाने जिकिर समेत गरे । उनले भने,' विरोधीहरूले पहिले पनि यति होल्डिङ्स भने, हामीले भनी राखेका छौं– गर न त छानबिन । त्यस बेलादेखि अहिलेसम्म भनिराखेका छौं । के यति होल्डिङ्स, यती होल्डिङ्स भनेर कराई राखेको । बाइडबडी छानबिन गर, अनि जाऊ आफैँ जेल ।'
उनले थपे 'अस्तिसम्म ललिता निवास, ललिता निवास भन्दै थिए, अहिले कस्तो भागाभाग छ । कोही यताको ढोकाबाट, कोही उताको ढोकाबाट । हामीलाई भन्दै थिए त ललिता निवास, ललिता निवास । गर न छानबिन ।'
