-
-
-
-
काठमाडौं । नेकपा एमाले कोशी प्रदेशको प्रथम अधिवेशनमा पार्टी अध्यक्ष केपी शर्मा ओली निकट घनश्याम खतिवडा निर्वाचित भएका छन् ।
अध्यक्षमा मोरङका नेताहरू विनोद ढकाल र घनश्याम खतिवडाबीच मुख्य प्रतिस्पर्धा भएको हो ।
कोशी प्रदेशको प्रथम अधिवेशनको आज बिहान सार्वजनिक गरिएको मत परिणामअनुसार उनले पाँच सय १२ मत प्राप्त गरेका छन् ।
उनका प्रतिस्पर्धी एमाले नेता विनोद ढकालले चार सय ३० मत प्राप्त गरे ।
एमाले मोरङको पाँचौँ अधिवेशनमा माधव कुमार नेपाल समूहबाट उम्मेदवार बनेका खतिवडालाई ढकालले पराजित गर्दै अध्यक्ष निर्वाचित भएका थिए ।
यस्तै सचिवमा राजकुमार भण्डारी र उपसचिवद्वयमा जलवर्र्षा राजवंशी र देवान राई निर्वाचित भएका छन् ।
उपाध्यक्षमा टीकाराम चेम्जोङ यसअघि नै निर्विरोध निर्वाचित भएका थिए। अन्य सदस्यको मतगणना जारी रहेको निर्वाचन कमिटीले जनाएको छ ।
अध्यक्ष ओलीको चहना अनुसारै खतिवडा अध्यक्ष बनेका हुन् ।
