-
-
-
-
काठमाडौँ । पतिका हत्यारालाई छाड्ने सरकारविरुद्ध भारती मानन्धर फेरि तातेकी छन् । भारतीले दशैँ सकिएसँगै आजबाट पुनः रिले अनशन शुरु गरेकी छन् ।
भारतीले आजबाट माइतीघर मण्डलामा पुनः रिले अनशन शुरु गरेकी हुन् ।
श्रीमानको हत्या गरेको आरोपमा थुनामा रहेका रिगल भनिने योगराज ढकाललाई संविधान दिवसको अवसरमा आममाफी दिएपछि नेपालगन्जकी भारतीले पुनः रिले अनशन शुरु गरेकी हुन् ।
श्रीमान् चेतन मानन्धरको हत्या अभियोगमा जेल परेका रिगललाई गत असोज ३ गते सरकारको सिफारिसमा आममाफी दिइएको थियो ।
२०७२ सालको असारमा दुई समूहबीच आपसी विवाद हुँदा बाँके नेपालगञ्जका चेतन मानन्धरको हत्या भएको थियो ।
