काभ्रे । काभ्रेको रोशी गाउँपालिका वडा नम्वर ३ भन्ज्याङ् गाउँकी ६६ वर्षीया माइली लामाको हत्या उनकै कान्छो छोरा फुर्साङ लामाले गरेको खुलेको छ ।
उनले आमाले लगाएको सुनको मुन्द्रा र पैसाको लोभमा आमाको हत्या गरेको प्रहरीले जनाएको छ । उनलाई प्रहरीले सार्वजनिकसमेत गरेको छ ।
यस्तो छ प्रहरीको विज्ञप्ति– जिल्ला प्रहरी कायालय, काभ्रेपलाञ्चोक
प्रेश विज्ञप्ति
" छोराद्धारा आमाको कर्तव्य गरी हत्या "
"Operation SONAM"
घटना विवरण :-
मिति २०८१/०७/१६ गते अं. १६:१५ बजेको समयमा जिल्ला काभ्रेपलाञ्चोक रोशी गा.पा. ३ भञ्ज्याङगाउँ बस्ने साईलाकाजी भन्ने पल्छङ लामाको श्रीमती बर्ष ६९ की माईली लामा आफ्नै घरको भान्सा कोठामा टाउकोमा चोट लागि मृत अवस्थामा रहेको भन्ने खबर प्राप्त हुनसाथ तत्काल प्रहरी चौकी खहरेपाँगुबाट प्र.स.नि. को कमाण्डमा टोली खटि गई घटनास्थल सुरक्षा गरिएको, ई.प्र.का मंगलटार र जि.प्र.का काभ्रेपलान्चोकबाट प्र.नि. को कमाण्डमा SOCO अधिकृत सहितको टोली खटि गई प्रारम्भिक अनुसन्धान गरिएको । मृतकको कान्छो छोरा वर्ष २८ को फुर्साङ लामालाई पक्राउ गरी Dog Sniffing सहित विस्तृत अनुसन्धान गर्दा निज फुर्साङ लामाले भान्सा कोठामा सुतिरहेको आफ्नै आमाले कानमा लगाएको सुनको रिङ र नगदको लोभले मसला पिस्ने सिलौटो ढुङ्गाको लोरोले टाउकोमा प्रहार गरी अचेत अवस्थामा रहेकी आमालाई पुनः नजिकै ढोकाको आग्लोले प्रहार गरी मृत्यु भए पछि आमाले कानमा लगाएको सुनको रिङ र साथमा रहेको नगद समेत लिई घटनास्थलबाट भागी गएकोमा निज प्रतिवादीलाई मिति २०८१।०७/१८ गते पक्राउ गरी मिति २०८१।०७/२० गते सम्मानित काभ्रेपलाञ्चोक जिल्ला अदातलतबाट दिन-०७ (सात) को म्याद थप भई अनुसन्धान कार्य भईरहेको ।
नाम :- फुर्साङ लामा
उमेर :- २८ वर्ष
ठेगाना : जिल्ला काभ्रेपलान्चोक
रोशी गाउँपालीका वडा नं. ३ बस्ने ।
