-
-
-
-
तनहुँ । तनहुँमा बिहीबार एक युवतीको हत्या भएको छ । भानु नगरपालिका वडा नं ८ गैरीफाँटकी ३९ वर्षीया प्रतीक्षा श्रेष्ठको हत्या भएको हो ।
जिल्ला प्रहरी कार्यालय तनहुँका अनुसार प्रतीक्षाको हत्या उनकै श्रीमान ४२ वर्षीय ओमनारायण श्रेष्ठले गरेका हुन् ।
प्रहरी निरीक्षक राजु अधिकारीका अनुसार घरायसी झगडा हुँदा ओमले श्रीमती प्रतीक्षामाथि बञ्चरो प्रहार गरेका थिए ।
बन्चरोको प्रहारबाट गम्भीर घाइते प्रतीक्षालाई उपचारका लागि दमौली अस्पताल पुर्याइएकामा चिकित्सकले मृत घोषणा गरेको थियो ।
हत्या अभियुक्त श्रीमान ओमलाई प्रहरीले नियन्त्रणमा लिएर अनुसन्धान भइरहेको प्रहरी निरीक्षक अधिकारीले जानकारी दिए ।
