डा.केसी मेडिकल माफियाबाट सञ्चालित भएको स्वास्थ्य मन्त्रीको आरोप [भिडियो]
डा.गोविन्द केसीको अभियानमा संलग्न हुने स्वास्थ्यकर्मीहरूलाई कारबाही गर्ने चेतावनी
हाम्रा कुरा
प्रकाशित २०८० मंसिर ९ शनिबार
699
Shares
काठमाडौँ । स्वास्थ्य तथा जनसंख्यामन्त्री मोहनबहादुर बस्नेतले वरिष्ठ चिकित्सक डा.गोविन्द केसी मेडिकल माफियाहरुद्बारा सञ्चालित भएको आरोप लगाएका छन् ।
वरिष्ठ चिकित्सक केसीले बेलाबेलामा अनसन बस्ने कुरा देश र जनताको अहितमा भए पनि मेडिकल गिरोहजस्ता गलत मान्छेहरूको फन्दामा परेर त्यसो गरिरहेको उल्लेख गर्दै मन्त्री बस्नेतले त्यस्ता अभियानको बचाउमा नलाग्न चिकित्सक तथा स्वास्थ्यकर्मीहरूलाई सचेत गराए ।
उनले डा. केसीको अभियानमा संलग्न हुने चिकित्सक तथा स्वास्थ्यकर्मीहरूलाई आफूले कारबाही गर्ने चेतावनी समेत दिए ।
उनले भने,' म अनसन बसिदिन्छु भन्नुहुन्छ एक जनाले । उहाँ बस्नु भएपछि तपाई फेरि सेतो कोट लगाएर उनको बचाउमा हिँडिहाल्नु हुन्छ । किन हिँडेको भनेर मैले सोधे । साथीहरूले काम चाहिँ गल्ती थियो । तर हामी हिँड्नपर्यो । अनि किन हिँड्या भनेको ? ज्यान जोगाई दिन मान्छे मर्न लाग्यो भनेर । त्यस्तो पनि कुरा हुन्छ । कन्भिन्स गर्नुपर्यो नि । यो देशका लागि अहित छ, नेपाली जनताको लागि अहित छ । अब हामीले यो काम गर्नु हुँदैन । तपाई आफू ठिक मान्छे हो । तर तपाईँलाई सञ्चालन गर्ने गिरोहहरू गलत छ भनेर भन्न किन नसक्ने ? अब भन्नुपर्छ तपाईँहरूले । होइन यो अभियान अगाडि बढ्दा तपाईँहरू ओल्टेकोल्टे हुन थाल्यो भने तपाईँहरूलाई पनि कारबाही हुन्छ । ’
