-
-
-
-
काठमाडौँ । नेकपा एमालेका अध्यक्ष केपी शर्मा ओलीले डडेलधुरा पुगेर नेपाली कांग्रेसका सभापति शेरबहादुर देउवालाई फोन गरेका छन् ।
एमालेको मध्य पहाडी लोकमार्ग पदयात्राको उद्घाटनका क्रममा डडेलधुरा पुगेका ओलीले देउवालाई शुक्बारबार बिहान आफू बसेको स्थानबाट फोन गरेका हुन् ।
ओली बिहीबार राति डडेलधुरा बजार भन्दा तल बसेका थिए । उनले डडेलधुराको गन्यापधुरा छेउमा पुगेर फोन गरेका हुन् ।
उनले देउवालाई तपाईँको जिल्लामा आएर सम्झिएको भनेका छन् । देउवाले पनि ओलीलाई डडेलधुरामा स्वागत छ भनेका छन् ।
ओलीले आज आफ्नो सामाजिक सञ्जालमा भिडियोसहित लेखेका छन्,' सुन्दर डडेलधुरा !! मेरा मित्र शेरबहादुर देउवाको गृह जिल्ला । यहाँ आएपछि उहाँलाई कल गरौँ भन्ने लाग्यो। उहाँले आफू काठमाडौँमा भए पनि डडेलधुरामा स्वागत छ भन्नु भयो। धन्यवाद शेरबहादुरजी !
