पाँचथरबाट ओलीले भने- दुश्मनी गरेर कहीँ पुगिनेवाला छैन
हाम्रा कुरा
प्रकाशित २०८० पुष १ आइतबार
297
Shares
काठमाडौँ । नेकपा (एमाले) का अध्यक्ष केपी शर्मा ओलीले दुश्मनी गरेर कहीँ पनि पुग्न नसकिने बताएका छन् । शनिबार पाँचथरको फिदिममा आयोजित पार्टीको जनसभालाई सम्बोधन गर्दै उनले सो कुरा बताएका हुन् ।
अध्यक्ष ओलीले कुनै मतभेद र आपसी समस्या भए विधि र प्रक्रिया भित्रैबाट संवाद गरी समाधान गर्न सकिने बताए । पहिचानवादीहरुले एमालेमाथि निशाना साँधिरहेका बेला ओलीले मुलुकमा आपसी द्वन्द्व, वैमनष्यता, आशंका र अविश्वास भईरहे त्यसले तनाव सृजना गर्ने र गरिवी नहट्ने बताए ।
उनले नेपाल सुन्दर देश भएकाले यसलाई छिट्टै धनी बनाउन सकिने पनि बताए ।
अध्यक्ष ओलीले भने, ‘म असहमती राख्ने साथीहरु सबै पार्टी, सबै समूहहरुलाई भन्न चाहन्छु–दुश्मनी गरेर कहीँ पुगिनेवाला छैन । मतभेदहरु हुन सक्दछन्, भिन्नताहरु हुन सक्दछन् । तर तिनलाई शान्तिपूर्ण ढंगले विधि र प्रक्रियाबाट, त्यस्ता निकायहरु छन् । त्यसबाट धैर्यतापूर्वक संवादको माध्यामबाट हुनसक्छ । अरु निर्वाचनका माध्यामबाट हुन सक्दछन् । त्यसरी समाधान गरिनुपर्दछ । संवादबाट शान्तिपूर्ण ढंगले । हामीलाई शान्ति चाहिन्छ । यो विविधतामा हामी अल्झियौं भने यस विविधताले आन्तरिक द्वन्द्व, वैमनष्यता, आशंका, अविश्वास, तनाव सृजना गर्दछ । त्यसबाट हामी गरिवका गरिव रहन्छौं । अनि, स्विजरल्याण्ड धनी भयो, फलानो धनी भयो । इजरेल पनि धनी भइसक्यो । बालुवा नै बालुवाको देश युएई धनी भइसकेछ । त्यसो भएर काम गर्न हामी त्यहाँ जानुपर्छ भन्ने होइन । आफ्नो देश हामीले किन नबनाउने ? यति सुन्दर देश । हामी आफैंले बनाउन सक्छौं ।’
