व्यक्तिगत सुरक्षा तथा आगलागी नियन्त्रण सचेतना [फोटोफिचर]

हाम्रा कुरा

प्रकाशित २०८० चैत ८ बिहिबार

काठमाडौँ । विपद् व्यवस्थापन सम्बन्धी जनचेतनामुलक कार्यक्रम अन्तर्गत बिहीबार कोटेश्वरको हिमालय कलेजमा व्यक्तिगत सुरक्षा तथा आगलागी नियन्त्रणका लागि अग्नि शामक यन्त्रको प्रयोगबारे सचेतना कार्यक्रम गरिएको छ ।

नेपाल प्रहरी विपद् व्यवस्थापन कार्यालयबाट प्रहरी सहायक निरीक्षक बसन्त शाहीको कमाण्डमा ६ जना विपद् उद्धारकर्मीहरुले आगो नियन्त्रण सम्बन्धी सचेतना कार्यक्रम गरेका छन् ।

यो कार्यक्रम अन्तर्गत अहिलेसम्म ५० भन्दा बढी विद्यालय, कलेज, होटललगायत संघसंस्थाहरुमा आगो नियन्त्रण सचेतना कार्यक्रम गरिएको नेपाल प्रहरी विपद् व्यवस्थापन कार्यलय सामाखुशीले जनाएको छ ।

कार्यक्रममा आगलागीका वर्गीकरण सम्बन्धी, ज्वलनशील ठोस पदार्थ, तरल पदार्थ, ज्वलनशील ग्याँसहरु बारेमा सचेतना दिइएको थियो ।

आगलागी घटना हुँदा ध्यान दिनुपर्ने प्राथमिक उपायहरुबारे जानकारी दिइएको थियो । सुख्खायाम शुरु भएसगै बढ्दो आगलागीका घटनालाई मध्यनजर गर्दै बैशाखसम्म यस्ता किसिको सचेतना कार्यक्रम आयोजना गरिने विपद् व्यवस्थापन कार्यालय सामाखुशीले जनाएको छ।