कांग्रेसको बहिस्कारबीच कोशीका मुख्यमन्त्री कार्कीले पाए विश्वासको मत
विवेक मिश्र,
प्रकाशित २०८१ वैशाख ३१ सोमबार
611
Shares
तस्बिर – फाइल ।
विराटनगर । कोशी प्रदेशका मुख्यमन्त्री हिक्मतकुमार कार्कीले विश्वासको मत मत प्राप्त गरेका छन् । सोमबार कोशी प्रदेश सभामा कार्कीले आफूले पुनः नेतृत्व गर्ने अवसर पाएको भन्दै एउटा प्रक्रियाबाट आफू मुख्यमन्त्री बनेको दाबी गरे ।
मत विभाजनमा कार्कीले राखेको विश्वासको मतको पक्षमा ५७ मत परेको थियो । विपक्षमा कुनै मत परेन भने तटस्थमा ५ मत परेको थियो ।
कार्कीलाई एमाले, माओवादी र एकीकृत समाजवादीका सांसदले मत दिएका थिए ।
प्रमुख प्रतिपक्ष दल नेपाली कांग्रेसले भने बैठक बहिष्कार गरेको थियो । अहिलेको सरकार गठनको प्रक्रिया विरुद्ध कांग्रेसले सर्वाृेच्च अदालतमा रिट दायर गरेको छ ।
यसको फैसला नआउन्जेल विश्वासको मत लिनु गलत भएको भन्दै कांग्रेसले यो प्रक्रिया सहभागी नभएको बताएको छ ।
गत बैशाख २७ गते संविधानको धारा १६८ (५) अनुसार मुख्यममन्त्रीमा हिक्मतकुमार कार्की नियुक्त भएका हुन् ।
उनलाई मुख्यमन्त्रीमा नियुक्त गर्ने प्रक्रियाका विरुद्धमा निवर्तमान मुख्यमन्त्री केदार कार्कीले भने सर्वोच्च अदालतम मुद्दा दर्ता गराएका छन् ।
उक्त मुद्दाको अन्तिम सुनुवाईको मिति जेठ ९ गतेलाई तोकिएको छ ।
