-
-
-
-
मोरङ । मोरङ र सुनसरीमा रातिदेखि आएको भारी वर्षाका कारण साना खोलामा आकस्मिक बाढी आउन सक्ने हुँदा सचेत रहन जल तथा मौसम विज्ञान विभागले आग्रह गरेको छ ।
पछिल्लो ३ घण्टा सुनसरीको चतरा, धरान, ईटहरी र मोरङको केराबारी, लेटाङ, शुन्दरहैचा, बेलबारी आसपासमा भारी वर्षा भएको र थप हुने देखिएको जल तथा मौसम विज्ञान विभागले जनाएको छ ।
सुनसरीको सेउती, सर्दु, सुनसरी खोला र मोरङको बुढी, केसलिया, लोहन्द्रा, चिसाङ लगायतका खोलामा आकस्मिक बाढी आउन सक्ने विभागले जनाएको छ । मध्यान्ह १२ बजेसम्म उच्च सतर्कता अपनाउन विभागले आग्रह गरेको छ ।
